"Ukraina cirlären başqa il cirläre itep qabul itmäyäçäkbez"

Amerika Quşma Ştatları däwlät başlığı Djo Bayden Ukraina cirlären başqa il cirläre itep qabul itmäyäçäklären häm Rusiyäneñ töbäktä uzdıraçaq referendum näticälären kire qağaçaqların açıqladı.

Djo Bayden yazma açıqlaw yasap: “AQŞ Ukraina cirlären Ukrainanıñ öleşe bularaq qına tanıy. Rusiyäneñ referendumı – yalğan häm Berläşkän Millätlär Oyışması belän ber rättän xalıqara xoquqqa qarşı. Ukraina cirlären yawlaw öçen säbäp kenä,” – dide.

Rusiyägä qırıs iqtisadi çikläwlärneñ däwam itüe mäs’äläsendä urtaq illär belän êşçänlek başqaruların beldergän Bayden: “AQŞ Rusiyäneñ yasalma referendumı näticäsen kire qağu mäs’äläsendä dön’yadağı barlıq partnyerları belän urtaq fikerdä,” – dide.

Bayden Ukraina xalqına Rusiyäneñ töbäktäge yawlawına qarşı toruları öçen iminlek yärdämnären kürsätergä däwam itteräçäklären citkerde.

Ukrainanıñ könçığışında separatistlar kontrolendäge güyä Doneŝk häm Lugansk xalıq cömhüriyätläre belän Zaporoj’ye häm Xerson şähärlärendä Rusiyägä quşu öçen planlanğan häm kiçä başlanğan referendum 27 sentäbr’ğa qadär baraçaq.