"Zur suğış yaqınlaşa"

Serbiyä ilbaşı Aleksandr Vuçiç zur suğış yaqınlaşuın farazladı. Ul BMOnıñ 77nçe ğomum şurası cıyılışı qısalarında AQŞnıñ N’yu-York şähärenä säfäre waqıtında Serbiyä teleradiokompaniyäsenä interv’yu birde.

Vuçiç anda bolay dip söyläde: “Maxsus operaśiyä êtabınnan çığıp zur suğışqa yaqınlaşuıbıznı uylıym. Xäzer soraw şul: çiklär qayda häm küpmeder waqıttan soñ, bälki ber yäisä ike ay êçendä, İkençe Bötendön’ya suğışınnan (1939-1945) birle kürelmägän zur dön’ya bäreleşe başlanaçaqmı? Watandaşlarıbıznıñ iminlegen saqlaw bezneñ qullarda. Rusiyä häm Qıtaynıñ Könbatış belän aralarındağı mönäsäbätläreneñ tağın da butalçıq xälgä kilüe kötelä”.