Awrupa Berlege Ukrainağa xärbi yärdäm cibärergä cıyına

Bu xaqta berlekneñ wäkile Djozef Borrell N'yu-Yorkta söyläde

1882051
Awrupa Berlege Ukrainağa xärbi yärdäm cibärergä cıyına

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell BMO ğomum şurası utırışları qısalarında N’yu-Yorkta jurnalistlar belän oçraştı. Ul Rusiyäneñ Ukrainadan çığarılğan aşlıqnıñ kübeseneñ Awrupa Berlegenä kitüe turındağı süzlärenä cawap birde.

“Ukrainadan êksportlanğan aşlıqnıñ kübese moxtac däwlätlärgä kitte. Kürsätkeçlärgä qarağız. Statistikağa qarağız. Ukrainadan êksportnıñ öçtän ikese Afrika, Yaqın Könçığış häm Aziyägä kitte,”-dide Borrell.

Ul Awrupa Berlegeneñ Ukrainağa xärbi yärdäm qararı turında isä bolay dide: “Oktyabr’dä Awrupa Berlege tışqı êşlär ministrları cıyılışında ber täq’dim yasarğa uylıybız häm bu şaqtıy tiz prośedura bulaçaq”.

Djozef Borrell xärbi yärdämneñ üz êçenä nilär alacağı turında centekläp söylämäde.



Bäyläneşle xäbärlär