Patşabikä 2085nçe yılğa qadär açılmayaçaq xat qaldırdı

8nçe sentyabr’dä wafat bulğan patşabikä Êlizabet İkençeneñ Avstraliyädä yazğan häm 2085nçe yılda açıluın telägän ber xatı barlığı açıqlandı. Älege xat ğalicänäpläre küzlären mäñgegä yomğannan soñ kön üzägenä çıqtı.

Patşabikä anı 1986nçı yılda uq Sidneydağı Patşabikä Viktoriya binasınıñ tözekländerelüe belän täbrik itep yazğan. Xat Sidney mêrı isemenä cibärelgän. Ul “Avstraliyä, Sidneynıñ tuğ’rılıqlı häm xörmätle lord mêrına” dip başlana. Yäşeren xatta mêrğa qayber kürsätmälär birelgän: “2085nçe yılda sez saylağan uñaylı ber köndä, zinhar, bu konvertnı açıp Sidney xalqına xäbäremne citkerä alasızmı?”

Patşabikäneñ bu teläge qabul itelä. Xatta närsä yazıluı bilgesez. Angliyä matbuğatı patşabikäneñ bu yullamasında Sidney xalqına tarixi binanı saqlawları öçen räxmät äytüen farazlıy.