İran Albaniyägä rizasızlıq belderde

İran Albaniyä xökümäteneñ iyül’ ayında onlayn platformalarğa yasalğan xakerlar höcümen säbäpçe itep Tähran belän diplomatik mönäsäbätlärne özü qararın tänqıt’läde.

İran tışqı êşlär ministrlığınnan yasalğan yazmaça belderüdä Albaniyä xökümäteneñ Tähranğa qarata ğayepläwläreneñ nigezsez, alar arqasında säyäsi bağ’lanışlarnı özüneñ dä urınsız buluı belderelde.  Anda İrannıñ kiber höcümnärgä duçar bulğan illärneñ berse ikäne assızıqlana.

 Belderüdä Tähran idaräseneñ kiber dön’yanı başqa däwlätlärneñ kritik śifrlı asqormalarına höcüm itü öçen qullanını kire qağuı häm ğayepläwe äytelä. İranğa qarata şöbhälärne isä öçençe yaqlar maxsus tarata dip alğa sörelä. Monıñ terrorçılıq häm fetnälärne yaqlawçı däwlätlärneñ tormışqa aşıruı farazlana.