Angliyä patşabikäse tabiblar küzätüe astında

96 yäş’lek Êlizabet İkençe uzğan közdän birle xäräkätlänüdä qıyınlıqlar kiçerä

1877591
Angliyä patşabikäse tabiblar küzätüe astında

Angliyä patşabikäse Êlizabet İkençene, sälamätlege öçen borçılıp, mediśina küzätüe astında totalar. Bukingêm Sarayınnan yasalğan belderüdä mondıy yullar bar: “Bügen irtän ütkärelgän centekle tikşerüdän soñ patşabikäneñ tabibları anıñ sälamätlege mäs’äläsendä borçulı ide häm mediśina küzätüe astında qaluın telädelär.” Anda, şulay uq, patşabikäneñ xozurlı buluı häm Balmoraldağı üz utarında qaluı äytelä. Ğalicänäpläreneñ sälamätlege turında ğailäsenä dä xäbär itkännär.

Angliyä xökümäte räise Liz Trass ta Twitter aşa yazma urtaqlaştı.

“Böten il bügen Bukingêm Sarayınnan kiläçäk xäbärlär belän tiränten qızıqsınaçaq. Minem häm Angliyädäge keşelärneñ uyları xäzer patşabikä häm anıñ ğailäse yanında” dip yazdı ul.

96 yäş’lek Êlizabet İkençe uzğan közdän birle xäräkätlänüdä qıyınlıqlar kiçerä häm daimi räweştä baston qullana. Sälamätlek problemaları säbäple soñğı çorda ul parlamentnıñ açılışı häm täxetkä utıruınıñ 70 yıllığı tantanaları şikelle çaralarda qatnaşa almadı.



Bäyläneşle xäbärlär