"Qoral bularaq ênergiya özüne qullanaçaqlar"

Bu turıda İspaniyaneñ Saqlanu ministrı belderde

1868668
"Qoral bularaq ênergiya özüne qullanaçaqlar"

İspaniyaneñ Saqlanu ministrı Margarita Robles Rusiyӓ Federaśiyase dӓwlӓt başlığı Vladimir Putinnıñ xalıqara cӓmӓğat’çelekkӓ qarşı yaña qoral bularaq ênergiya özüne qullanaçağın hӓm awır qışnıñ uzaçağın ӓytte.

Ministr Robles Burgosta Qorallı köçlӓrgӓ bӓyşe ber ştab-fatirğa sӓfӓre waqıtında açıqlaw yasap, Rusiyӓneñ Ukrainağa höcümnӓrenӓ hӓm monıñ nӓticӓlӓrenӓ qarşı berdӓmlek hӓm yӓrdӓmlӓşügӓ çaqırdı.

İspaniyada sul koaliśiya xökümӓte qabul itkӓn hӓm 10 avgustta ğamӓlgӓ kergӓn ênergiyane saqlaw planına kürӓ dӓwlӓt binalarında, sӓwdӓ urınnarında, zur kibetlӓrdӓ, aêroportlar, vokzallar kebek transport asqorımalarında, mӓdӓni zona, qunaqxanӓlӓrdӓ kondiśioner qullanunı cӓy aylarında 27 gradus belӓn çiklӓw, ayıruça sӓgӓt’ 22.00an soñ dӓwlӓt binaları, kibetlӓr hӓm sӓwdӓ üzӓklӓre vitrinalarındağı utlarnı sünderü zarur.

Şulay uq qışın da kondiśionerlarda 19 graduska qadӓr çiklӓw kertüçe plannıñ 2023 yılnıñ 1 noyabrenӓ qadӓr ğamӓldӓ buluı küzdӓ totıla.



Bäyläneşle xäbärlär