İzrail höcümnärendä ülüçelär sanı 49ğa citte

İzrailneñ qamalıştağı Ğazzä Sızığına atna axırında bulğan höcümnärdä ülüçelärneñ sanı 49ğa citte.

Fälästin sälamältek saqlaw ministrlığınnan yasalğan belderügä qarağanda, şimbä könne Xan Yunus töbägendä yaralanğan 20 yäş’lek Änäs Änşasi xastaxanädä can birgän. Şulay itep İzrail höcümnärendä ülüçelärneñ sanı 49ğa citte. 3 kön däwam itkän bombalawda 360tan artıq fälästinle yaralandı.

İzrailneñ Ğazzägä höcüme

İzrail xärbiläre 1nçe avgustta basıp alınğan Könbatış Yordan üzänlegendäge Cänin şähärendä İslami Cihad idaräçese Bässam äs-Saadine qulğa aldı. Şunnan soñ İzrail älege oyışmanıñ höcüm äzerläwe sıltawı belän Ğazzä tiräsendäge toraq punktlarğa yullarnı yaptı.

İzrail armiyäse kön’yaqtağı berleklärenä östämä köçlär cibärde. 5nçe avgust comğa könne Ğazzädä İslami Cihad oyışmasına kerüen alğa sörüçe qayber noqtalarğa höcümnär başladı.  

3 kön däwam itkän höcümnär näticäsendä 48 fälästinle hälaq buldı. Aralarında xatın-qızlar häm balalar da bar.

Ğazzädä İzrailgä taba yözlärçä raketa atıla, tik qarşı yaqta bernindi yuğaltu yuq.

Misırnıñ aradaşçılığı belän 7nçe avgust yäkşämbe kiçendä utnı tuqtata aldılar.