Braziliyädä çir tarata dip maymıllarnı üterälär

San-Xose-du-Riu-Pretu şähärendä ber atnadan da azraq waqıt êçendä 10 maymılnı  ağulap ütergännär

1865939
Braziliyädä çir tarata dip maymıllarnı üterälär

Bötendön’ya sälamätlek saqlaw oyışması Braziliyädä maymıl çäçäge oçraqları artqannan soñ, virus yoqtıruınnan qurqıp, şaqtıy maymılnıñ üterelüenä borçılu belderde.

Braziliyä matbuğatı yazğança, San-Paulu töbägeneñ San-Xose-du-Riu-Pretu şähärendä ber atnadan da azraq waqıt êçendä 10 maymılnı  ağulap ütergännär. Başqa cirleklärdä dä oxşaş waqıyğalar bulğan.

Bötendön’ya sälamätlek saqlaw oyışması süzçese Margaret Xarris xaywannarğa qarata mondıy mönäsäbätkä borçıluların belderde. “Keşelär virusnıñ xäzerge waqıtta xaywannardan tügel, keşedän-keşegä küçep yörüen belergä tiyeş,”-dide ul.

Braziliyädä maymıl çäçäge virusı säbäple berençe ülem 29nçı iyül’dä terkälde. Barlığı 1700dän artıq keşe älege çirne yoqtırdı.

İldä sarı bizgäk kizüe waqıtında da maymıllarğa qarata citdi höcümnär bulğan ide.



Bäyläneşle xäbärlär