Awrupa qışqa şäm häm utın äzerli

Qıytğada Rusiyäneñ tabiğıy gazına bäylelekne kimetmäkçelär

1866036
Awrupa qışqa şäm häm utın äzerli

Awrupada ênergiyä qullanunı häm Rusiyäneñ tabiğıy gazına bäylelekne kimetü maqsatı quyıla.

Bu qısalarda İspaniyädä kondiśioner belän suıtunı çikläwçe qağıydä ğamälgä kerde. Cämäğat’çelek urınnarı häm êş cirlärendä cäy köne anıñ cılılığı 27 gradustan kim bulmayaçaq. Bu bülmälärneñ işeklären yabıp totunı da mäcbür qıla. Restorannardağı kondiśionerlar +25 gradusta qullanıla ala.

Qışın isä cılıtuçılar 19 gradustan da yuğarı temperaturağa quyılmayaçaq.

Xastaxanä, mäktäp häm çäçtaraşxanälärgä bu qağıydä qağılmıy.

Greśiyä häm İtaliyä dä däwlät binalarında kondiśioner qullanu mäs’äläsendä uzğan ayda çikläwlär kertte. Alarnı 27 gradustan asqaraq töşerü tıyıldı.

Franśiyädä kondiśionerı bulğan êş urınnarına işeklären yabıp totu mäcbüri. Ütämäwçelärgä 750 yevro ştraf qaralğan.

Germaniyäneñ Gannover şähäre dä, xastaxanä häm mäktäplär tışında, däwlät binalarında kondiśioner häm fenlı cılıtuçı qullanunı tıydı.

Şveyśariyädä isä qışın êlektr özeklekläre bula aluı turında kisättelär. Federal’ êlektr ênergiyäse komissiyäse xalıqqa qışqa şäm häm utın alıp quyarğa kiñäş itä



Bäyläneşle xäbärlär