Zelenskiy yaxşı xäbär kötä

Zelenskiy Doneśk belän Xarkov’tağı wäzğıyät' turında söyläde

1864789
Zelenskiy yaxşı xäbär kötä

Ukraina däwlät başlığı Volodimir Zelenskiy 24nçe feveral’dän birle Rusiyägä qarşı suğışuçı Doneśk töbägendä frontta xälneñ äle haman bik awır buluın äytte. Ul üzeneñ Telegram kanalı aşa videoyullama urtaqlaştı. Anda Zelenskiy ileneñ könçığışında ut sızıqlarındağı soñğı wäzğıyät’ turında söyli häm, bigräk tä, Doneśk belän Xarkov’ta xälneñ citdi ikänen belderä.  

Däwlät başlığı Ukraina armiyäseneñ biredäge rus höcümnären bik küp can bäyäsenä totıp toruın häm monı däwam itüen citkerä. “Armiyäbez Doneśkida Rusiyä terrorın tuqtatu häm basıp aluçılarnı mömkin bulğança kübräk yuğaltuğa duçar itü öçen qulınnan kilgänneñ barısın êşli,”-di ul.

Zelenskiy rus köçläreneñ Xarkov’qa qarata da höcümnären arttırırğa tırışuın, anda da köçle bäreleşlär buluın söyli. Ul armiyäseneñ tağın da kübräk qoralğa ixtiyac toyuın assızıqlıy.

“Här könne tuqtawsız tağın da köçle häm yıraq aralarğa atuçı sistemalarnı frontqa cibärü, qoral belän täêmin itüne arttıru öçen tırışabız. Häm berlektäşlärebezdän yärdäm paketları belän bäyle xäbär kötäbez. Yaxşı xäbärlär,”-dip söyli Ukraina liderı.



Bäyläneşle xäbärlär