Tön’yaq Koreya yaña atom-töş sınawlarına äzerlänä

İyärçennän alınğan fotolar Pungeri poligonında 3nçe tunnel’neñ qapqası yanında mart ayınnan birle qazınu êşläre baruın kürsätä

1864125
Tön’yaq Koreya yaña atom-töş sınawlarına äzerlänä

Tön’yaq Koreyanıñ tön’yaq-könçığışındağı atom-töş poligonında yaña äzerleklär yasawı häm tağın ber sınaw uzdıraçağı alğa sörelä.

AQŞ häm Kön’yaq Koreya küzläw oyışmaları wäqalätleläre citkergänçä, iyärçennän alınğan fotolar Pungeri poligonında 3nçe tunnel’neñ qapqası yanında mart ayınnan birle qazınu êşläre baruın kürsätä. Mäydanda 2018nçe yılda cimerelgän qayber binalar qabat tözelä.

Şul uq waqıtta, BMO belgeçläre yasağan xisapta Tön’yaq Koreyanıñ Yonbyen atom-töş mäydanında uran bayıtu ob’yektın kiñäytüne däwam itüe citkerelä.

“Associated Press” qulğa töşergän xisapta Tön’yaq Koreyanıñ bıyıl 2 zur xaker ğamäle qıluı häm yözlärçä million dollar külämendäge kripto aqça urlawı turında mäğ’lümat bar. İl, BMO qanunnarın bozıp, qayber şirkätlär aşa qanunsız räweştä neft’ satıp alğan häm kümer êksportlağan.



Bäyläneşle xäbärlär