Kovid-19 oçraqları kimede

Dön’ya külämendä koronavirus oçraqları artu däräcäse 7 atnadan soñ täwge tapqır töşte.

Bötendön’ya sälamätlek saqlaw oyışması atnalıq Kovid-19 xisabında soñğı xälne urtaqlaştı. Aña qarağanda, 24nçe- 31nçe iyül’dä awıruçılar sanı artu däräcäse, annan aldağı atna belän çağıştırğanda, 9%qa kimede. 7 atnadan soñ berençe tapqır yoqtıru oçraqlarında sizelerlek azayu küzätelde.

Kovid-19ğa bäyle ülem däräcäse isä monnan êlekkege atna belän ber ük qaldı.

Sonğı 1 atnada 14 meñ ülem häm 6,5 million yaña awıru oçrağı terkälde. Tulayım yuğaltu isä 6,3 million, yoqtıru - 574 million buldı.

Global’ Kovid-19 oçraqları iyün’nän başlap ber-ber artlı 5 atna buyı arta bardı. 11nçe iyül’dän 25enä qadär ber ük däräcädä tordı.

Bötendön’ya sälamätlek saqlaw oyışması wäqalätleläre awırtuçılarnıñ kübäyüen cäy sezonı başlanu belän xalıqara xäräkätlelekneñ artuı, illärneñ Kovid-19 çikläwlären beterüe häm BA.4 belän BA.5 subvariantlarınıñ tiz taraluı belän bäylägän ide.