Peruda maymıl çäçägennän täwge ülem terkälde

Peruda maymıl çäçäge virusı säbäple täwge tapqır ber keşeneñ ğomere özelde. Sälamätlek saqlaw ministrlığınnan yasalğan belderüdä äytelgänçä, ildä älege çirne yoqtıru oçraqları 300dän artqan.

Maymıl çäçägennän ülgän keşe başqala Limada xastaxanädä däwalanğan ir-at bula. Tabiblarnıñ tırışlığına qaramastan, anıñ ğomere özelä.

Peru - Latin Amerikası däwlätläre arasında maymıl çäçägennän ülem terkälgän ikençe il. Berençese Braziliyä ide.

Bötendön’ya sälamätlek saqlaw oyışması 23nçe iyül’dä başta Awrupada, annarı böten dön’yağa taraluın däwam itüçe maymıl çäçäge kizüe säbäple Xalıqara ğadättän tış xäl iğ’lan itte. Narlığı 78 ildä 198 meñnän artıq yoqtıru oçrağı raslandı. Alarnıñ 70%ı Awrupa regionında, 25%ı isä Amerikada.