Makron - Zelenskiy söyläşüe

Franśiya dӓwlӓt başlığı Êmmanuêl’ Makron hӓm Ukraina prezidentı Vladimir Zelenskiy telefonnan söylӓşte.

Yelisey sarayınnan yasalğan açıqlawğa kürӓ Makron söylӓşüdӓ Odessa portınnan berençe Ukraina aşlıqların taşuçı köymӓneñ çığuınnan qanӓğat’ qaluın ӓytep, Ukraina aşlıqlarınıñ cir östennӓn hӓm su yulı aşa êskportı öçen Awrupanıñ tırışlıq quyarğa dӓwam itӓçӓgen citkerde.

Açıqlawda bolay diyelӓ: “Olenevkada rus qorallı köçlӓre tarafınnan oyıştırılğan yaña küplӓp üterüdӓn berniçӓ könnӓn soñ hӓm xӓrbi cinayӓt’lӓr artqanda dӓwlӓt başlığı Makron Ukraina xalqın xuplawın tağın ber qat qabatladı hӓm bu cinayӓt’lӓrneñ cӓzasız qalmawın tӓêmin itüdӓge tӓwӓkkӓl totışın citkerde.”

Açıqlawdan kürengӓnçӓ Vladimir Zelenskiyğa xӓrbi, gumanitar hӓm iqtisadi cӓhattӓn ixtıyacların sorağan Makron ileneñ Rusiyӓ höcümenӓ qarşı tora aluı öçen Ukraina qorallı köçlӓrenӓ yӓrdӓmen dӓwam itterergӓ telӓwen assızıqladı, Ukrainanıñ qabat tözeklӓnderelüenӓ qısqa möddӓtle makroekonomik yӓrdӓm kürsӓtergӓ telӓwen belderde.