NATO Kosovoğa kerergä äzer

NATO Kosovonıñ tön’yağında totrıqlılıqqa yanaw bulğan oçraqta tıqşınırğa äzer buluın xäbär itte.

İttifaqtan yasalğan belderüdä ilneñ tön’yağında wäzğıyät’neñ kiyerenke buluyı assızıqlana. “NATOnıñ Kosovo köçe xälne yaqınnan küzätep bara häm totrıqlıqqa yanaw bulğanda qatışırğa äzer” diyelä anda.

Kosovoda yäşäwçe härkemneñ bügennän başlap Kosovo tanıqlığı häm maşina nomerına iyä bulu mäcbüriyäte kerteläçäge belderelgännän soñ ildäge serblar kiçä kiç tön’yaqtağı çik buyı qapqaların yaptı. Şunnan soñ çuıalışlar başlandı, ildä sirena tawışları yañğıradı. Poliśiyä qayber urınnarda atu tawışları buluın, tik berkemneñ dä yaralanmawın belderde.

Kosovo xökümäte soñınnan qağıydälärneñ ber ayğa kiçekterelüen xäbär itte.

Serbiyä 2008nçe yılda ber’yaqlı räweştä bäysezlegen iğ’lan itkän Kosovonı äle haman üz cirläre şikelle kürä.