İranda su basularda 56 keşe ülde

İran başqalası Tährannı häm ilneñ zur öleşen basıp alğan köçle yawım-töşem arqasında kilep çıqqan su basularda ülüçelär sanı 56ğa citte.

İran Qızılay komitetınıñ yärdäm häm qotqaru oyışması räise Mähdi Välipur däwlät telekanalına beldergänçä, 28 keşe äle haman yuğalğan sanala. Ul Tähran töbägenä kerüçe İmamzadä Davud häm Zärrindäşt Firuzkuxta - 32, başqa cirleklärdä 24 keşeneñ ğomere özelüen söyläde.

Êzläw-qotqaru eşläre däwam itä. Älegä qadär su basulardan zarar kürgän 3 meñ 500 keşegä aşığıç räweştä sıyınu xezmäte kürsätelgän häm 1500läp keşe qotqarılğan.

Meteorologlar ildä köçle yawım-töşemneñ düşämbegä qadär däwam itäçägen citkerde.