İlon Mask Twitterğa qarata däğ'wa açtı

Bu Twitternıñ êşmäkärgä qarata däğ'wasına qarşı däğ'wa buldı

1861443
İlon Mask Twitterğa qarata däğ'wa açtı

Tesla ve SpaceXnıñ yuğarı idaräçese İlon Mask 44 milliard dollarlıq satıp alu kileşüennän çığu öçen Twitterğa qarata “qarşı däğ’wa” açtı. Bu xäbär Delavêr kanśelyariyä mäxkämäseneñ Twitter-Mask êşendä utırışlarnıñ 17nçe oktyabr’dä başlanacağın citkerüennän soñ berniçä säğat’ ütügä kilde.

İlon Mask 8nçe iyül’dä Twitter şirkäteneñ berniçä yöklämäne bozuın säbäpçe itep satıp alu kileşüen ğamäldän çığaruın beldergän ide. Aña sośial’ media platformasındağı yalğan yäisä spam akkauntlar turında mäğ’lümat birüdän baş tartqannar.

Twitter kileşüne ğamäldän çığaruı öçen Maskka qarata däğ’wa başladı. Şirkättän mäxkämägä yazılğan şiqayät’tä Masknıñ imzalağan kileşü “şäxsi mänfäğat’lärenä xezmät itmi başlawı” öçen Twitter häm akśionerları qarşındağı burıçların ütäwdän baş tartuı äytelä. Anda êşmäkärneñ kileşüne tuqtatu säbäpläreneñ barı tik sıltaw buluı häm nigezsez ikäne citkerelä.    



Bäyläneşle xäbärlär