İke asteroid Cirgä yaqınlaşa

Kükteräw zurlığındağı 2 asteroid Cirgä yaqınlaşa. Alarnıñ berse planetabızğa iñ yaqın noqtada bügen bulaçaq. İkençeseneñ 30nçı iyül’ şimbä könne yänäşäbezdän uzuı kötelä.

2016 CZ31 dip isemlängän berençe asteroid Cir yanınnan säğatenä 55 meñ 618 çaqrım tizlek belän oçıp kitäçäk. Astronomnar bügen yaqınlaşaçaq asteroidnıñ iñ kiñ urınında yaqınça 122 metr buluın farazlıy. Kük taşı Cirgä yaqınça 2 million 800 meñ kilometr yıraqlıqtan uzaçaq. Bu planetabız belän Ay arasınnan 7 tapqır artıq.  Cirgä berni dä yanamıy digän süz.

NASAdan citkerülärençä, älege asteroid berniçä yılğa ber tapqır bezgä yaqınlaşa. Kiläse küreşüneñ 2028 nçe yılnıñ ğıynvarında buluı kötelä.  

Şimbä könne, yäğ’ni irtägä härwaqıttağıdan tağın da zurraq ikençe asteroid Cirgä tağın da yırağraq noqtadan uzaçaq.

2013 CU83 dip ataluçı kük taşınıñ diametrı iñ kiñ urınında yaqınça 183 metr. Ul Cirgä 6 million 960 meñ çaqrım yıraqlıqtan uzaçaq.

Älege zur asteroid säğatenä 21 meñ 168 kilomatr tizlek belän xäräkät itä.