Djonson - parlamentqa: "Asta la Vista, bêybi”

Angliyäneñ êlekkege xökümät räise parlamentta "Terminator" fil'mındağı mäşhür fraza belän xuşlaştı

1857829
Djonson - parlamentqa: "Asta la Vista, bêybi”

Angliyäneñ êlekkege xökümät räise Boris Djonson parlamentta xuşlaşu çığışı yasadı. Ul üzeneñ urınına kiläçäk yaña xökümät räisenä qayber kiñäşlären birde.

Djonson Böyekbritanıyäneñ Awrupa Berlegennän çığuı häm koronavirus kizüe prośessların citäkläw, Rusiyäneñ 24nçe fevral’dä başlanğan basıp aluına qarşı Ukrainağa teläktäşlek kürsätü şikelle üz çorındağı êşçänleklärne uñışlı bularaq bäyäläde. “Wazıyfabıznıñ zur külämen tögällädek,”-dide ul.

Boris Djonson çığışın Arnol’d Şvarśneggernıñ “Terminator” fil’mındağı mäşhür süzläre “Asta la Vista, bêybi” (Qabat oçraşırbız, bäläkäç) belän tögälläde.

Angliyäneñ yaña xökümät räisen saylaw prośessı äle däwam itä. Konservativ partiyä üz êçendä tawış birü ütkärde. Deputatlar êlekkege finans ministrı Rişi Sunakka - 137, tışqı êşlär ministrı Liz Trassqa 113 tawış birde. Tağın ber kandidat Penni Mordaunt 105 tawış belän yarıştan töşep qaldı.

İl külämendäge yaqınça 160 meñ Konservativ partiyä äğ’zası yaña xökümät iyäse häm firqaneñ yaña liderın ike kandidat arasınnan saylayaçaq. Ul isem 5nçe sentyabr’dä açıqlanır dip kötelä.



Bäyläneşle xäbärlär