Şri-Lankada zur açlıq kötelä

Üz tarixındağı iñ zur iq’tisadi krizisnı kiçerüçe Şri-Lankada 6 millionnan artıq keşeneñ açlı-tuqlı yäşäwe belderelde.

Bötendön’ya azıq-tölek programması il xalqınıñ 28%tan artığınıñ krizis däwam itkän sayın tağın da awır xäldä qalaçağı turında kisätä. Oyışma äzerlägän xisapta älege keşelärneñ kimendä 65 meñ 600eneñ citdi açlıq kiçeräçäge, 5 million 300 meñeneñ isä aşawnı qısaçağı äytelä.

Bötendön’ya azıq-tölek programması 2022nçe yılda 3 million 400 meñ keşegä ireşü öçen operaśiyälären arttırğan. Bu yärdämnärne toqmışqa aşıru öçen oyışmağa açığıç räweştä 63 million dollar kiräk.

Şri-Lankada azıq-tölek bäyälärendäge inflyaśiyä uzğan ay 80% bularaq terkälde. Soñğı 3 ayda yaqınça här 5 ğailäneñ ikesendä keremnär yartılaş kimegän.