Diñgez taşbaqaların ütergännär

Yaponiyäneñ Kumedzina utrawında kimendä 30 diñgez taşbaqası üle kileş tabıldı. Alarnıñ kübeseneñ muyınnarı kiselgän.

Utrawda yäşäwçelär älege taşbaqalarnı su çigengännän soñ kürep ala.

Mainichi internet säxifäseneñ xäbärenä qarağanda, ber balıqçı yät’mädän çığarırğa telägändä taşbaqalarnı cäräxätläwen tanığan. Ul xaywannarnıñ ber öleşen diñgezgä atuın, tik qayberläreneñ bik awır buluın, alarnı ata almağaç, qotılu öçen pıçaq belän kisüen äytä.

Yäşel diñgez taşbaqaları Yaponiyä wäqalätleläre häm dön’yaküläm tabiğat’ne saqlaw törkemnäre tarafınnan yuqqa çığu qurqınıçı yanawçı tör bulıp sanala. Alarnıñ Yaponiyäneñ materik öleşennän 2 meñ çaqrım yıraqlıqtağı Kumedzina utrawındağı diñgez suüsemnäre öçen säyäxät itüläre bilgele.