Abenı üterüçe keşe bomba yasarğa da mataşqan

Yaponiyäneñ êlekkege xökümät räise Abe Şinzonı atıp ütergän Yamagami Tetsuyanıñ monnan alda bomba yasarğa mataşuı açıqlandı.

“Kyodo News” ta urın alğan xäbärgä qarağanda, höcümçe soraw alğanda poliśiyägä berdän artıq qoral yasawın äytkän.

Tikşerüçelär Yamagaminıñ êlegräk bomba yasarğa mataşuın belderä. Başta ul ber dini törkemneñ liderına höcüm itmäkçe bulğan. Annarı qararın üzgärtep Abeğa yünälgän.

İsegezgä töşeräbez, Yaponiyäneñ êlekkege xökümät räise Abe Şinzonı 8nçe iyül’dä Liberal’-demokrat partiyäse kandidatınıñ saylaw kampaniyäsendä çığış yasağanda atıp üterdelär. Kükräge awır yaralanğan säyäsätçene tiz arada xastaxanägä ilttelär, tik ğomeren saqlap qala almadılar. Ul küp qan yuğaltıp ülde.