Abe Şinzonı ni öçen saqlap qala almağannar?

Däwlät dairäläre iminlek saqçılarınıñ xilaflıq cibärüennän şöbhälänä

1853968
Abe Şinzonı ni öçen saqlap qala almağannar?

Yaponiyä poliśiyä idaräse êlekkege xökümät räise Abe Şinzonıñ ğomeren özgän qorallı höcümdä “qurqınıçsızlıq xilaflığı”nıñ bulu-bulmawın tikşeräçäklären belderde.  

Cirle matbuğattağı xäbärlärgä qarağanda, iminlek xezmätkärläre säyäsätçeneñ säfäre waqıtında qurqınıçsızlıqnı täêmin itü planı äzerlägän bulğan. Nara häm Tokio poliśiyäse Abe çığış yasağanda şunda xezmät başqarğan.

Yaponiyä poliśiyä idaräse säyäsätçene saqlawçı qorallı iminlek köçläreneñ höcümgä niçek yul quyularına iğ’tibarnı cälep itä. Alar älege waqıyğadağı qurqınıçzıqlıq çaraların qabat qarap çığaçaq.

Qorallı höcümne yasağan Yamagami Tetsuya soraw aluda Abenıñ üze näfrät itüçe ber törkem belän bäyle buluın uylawın häm şuña kürä üterüen söylägän.

Yaponiyä däwlät mediasında urın alğan xäbärlärgä qarağanda, Yamagami qulğa alğannan son uq poliśiyägä añlatuında ğamäleneñ Abenıñ säyäsi fikerläre belän bäyle bulmawın alğa sörä.  Kyodo agentlığı yazğança, soraw aluçılar höcümçeneñ süzläreneñ ber dini törkemgä qarata äytelüen uylıy. Qayber yapon xäbär çığanaqları Yamagaminıñ yuğarı däräcäle din ähelenä açu totuın yaza.

Höcümçe Abe Şinzonıñ çığış yasaw programmasın internettan alğan. İsegezgä töşeräbez, aña kiçä Yaponiyäneñ Nara şähärendä Liberal-demokrat partiyä kandidatınıñ saylaw kampaniyäsenä teläktäşlek yözennän açıq hawada uzuçı çarada çığış yasağanda attılar. Awır yaralı xäldä säyäsätçene xastaxanägä alıp kittelär, tik qorqarıp qala almadılar.



Bäyläneşle xäbärlär