Abe Şinzonı qotqara almadılar

Yaponiyäneñ êlekkege xökümät räisen çığış yasağan waqıtta attılar

1853752
Abe Şinzonı qotqara almadılar

Yaponiyäneñ êlekkege xökümät räise Abe Şinzo Nara qalasında qorallı höcümgä duçar bulğannan soñ xastaxanädä ülde.

Yaponiyä däwlät telekanalı NHKnıñ xäbärenä qarağanda, Abe Liberal-demokratik partiyä namzäteneñ saylaw kampaniyäsenä yärdäm itü öçen açıq hawada uzuçı çarada çığış yasıy. Şul waqıtta anıñ kükrägenä atalar. Qan êçendä qalğan säyäsätçene aşığıç räweştä xastaxanägä iltälär. Awır yaralanğan Abenıñ xäle citdi buluın belderdelär. Barlıq tırışlıqlarğa qaramastan, anıñ ğomeren qotqara almıylar.

Höcümçe waqıyğa urınınnan yıraq kitä almıy, anı qullanğan mıltığı belän bergä êläkterälär. Ul êlek xärbi diñgez flotında xezmät itkän 41 yäş’lek Yamagami Tetsuya bulıp çığa.

Abe Şinzo 2012-2020nçe yıllar çorında xökümät räise wazıyfasında ide. Ul ilneñ iñ ozaq waqıt xakimiyättä qalğan prem’yer-ministrı buldı. Abe 2 yıl êlek sälamätlege naçarayu arqasında wazıyfasınnan kitte.



Bäyläneşle xäbärlär