Texastağı mäktäpkä höcümneñ yaña detal'läre açıqlandı

Höcümçene mäktäp avtoparkında bulğan waqıtta uq poliśiyälär kürep ala, ämma totqarlamıylar

1853165
Texastağı mäktäpkä höcümneñ yaña detal'läre açıqlandı

AQŞnıñ Texas ştatındağı Uval’de şähärçegendä mäktäptä 21 keşeneñ ülemenä kitergän qorallı höcüm belän bäyle qayber yaña detal’lär bilgele buldı. Anda poliśiyäneñ soñğa qalıp qarşılıq kürsätüe açıqlandı.

Tikşerü xisabında äytelgänçä, ber poliśiyä xezmätkäre Uval’dedäge başlangıç mäktäpkä kerer aldınnan qorallı höcümçegä ut açu öçen bazadan röxsät sorıy, tik anıñ bu sorawına tiz arada cawap birmilär.

Höcümçene mäktäp avtoparkında bulğan waqıtta uq poliśiyälär kürep ala, ämma totqarlap ölgermilär. Bu da faciğane kirtäli almawğa kitergän töp faktorlar arasında.

Xisapqa qarağanda, poliśiyä waqıtında qarşılıq kürsätsä, waqıyğada ğomere özelgän keşelärneñ ber öleşen mediśina yärdäme kürsätep qotqaru mömkin bulır ide.

İsegezgä töşeräbez, 24nçe mayda Uval’de şähärçegendä 18 yäş’lek Sal’vador Ramos başlangıç mäktäpkä avtomat mıltıq belän kerep 19 bala häm 2 uqıtuçını atıp üterde. Älege waqıyğada balaların yuğaltqan ğailälär poliśiyäne höcümçegä waqıtında qarşılıq kürsätmäwdä ğayepläde.  



Bäyläneşle xäbärlär