Nigeriyädä yıl sayın 30 meñ keşe tämäke tötene kiterep çığarğan awırulardan ülä
Bu xaqta Bötendön’ya sälamätlek saqlaw oyışmasınıñ Nigeriya wäkile tabib Val’ter Kazuli Molumbo belderä
Nigeriyädä yıl sayın 30 meñ keşe tämäke tötene kiterep çığarğan awırulardan ülä.
Bötendön’ya sälamätlek saqlaw oyışmasınıñ Nigeriya wäkile tabib Val’ter Kazuli Molumbo oyışma tarafınnan oyıştırılğan “Tämake turında xäbärdarlıq” isemle programmada yasağan çığışında Nigeriyädä yoğışlı bulmağan awırular arqasında ülemnärneñ yoğışlı awırular kiterep çığarğan ülemnärdän artıp kitüenä basım yasap borçıluların citkergän.
Molumbo bilgeläp uzğança, ildä yıl sayın tämäke tartuğa bäyle awırulardan 30 meñ keşe ğomeren yuğalta, bıyıl Kovid – 19 virusı 3 meñ 144 keşene yaqtı dön’yadan alıp kitkän, tämäke tötene kiterep çığarğan awırulardan ülemnär küpkä yuğarıraq.
Sälamätlek saqlaw ministrı Adeleke Mamora Nigeriya xalqın passiv tämake tartudan häm tämäke tötenena duçar buludan saqlanırğa çaqırğan.
Mamora äytüençä, xökümät xalıqnı tämäke tartudan tıyu öçen tämäkegä salımnı bu aydan başlap 20%tan 30 %qa qadär arttırğan.
Bäyläneşle xäbärlär
Blinken Qıtayğa baraçaq
Amerika Quşma Ştatları däwlät särqätibe Qıtayğa 3 könlek räsmi säfär yasayaçaq
