"144 ukrainalı xärbine äsirlektän qotqardıq"

Bu turıda Ukraina däwlät başlığı Vladimir Zelenskiy belderde

1850023
"144 ukrainalı xärbine äsirlektän qotqardıq"

Ukraina däwlät başlığı Vladimir Zelenskiy Rusiyä tarafınnan äsir totıluçı 144 ukrainalı xärbine qotqaruların belderde.

Zelenskiy video yullama yasap: “144 ukrainalı ğaskärne rus äsirlegennän qotqardıq. Bolar arasında 59 milli saqçı, 30 diñgez köçläre, 28 armiya, 17 çik saqçısı, 9 terrorçılıqqa qarşı xärbi belän 1 poliŝ,ya xezmätkäre bar,” – dide.

Qotqarılğan ukrainalı xärbilärdän iñ olısınıñ 65, iñ keçeseneñ 19 yäş’tä buluın citkergän Zelenskiy: “Ayıruça 95 Azovstal’ yaqlawçısı öylärenä qayttı. Här ukrainalını öyenä qaytaru öçen qulıbızdan kilgänne başqaraaçqbız,” – dide.

Ukraina Saqlanu ministrlığınıñ küzläw berämlege kiçä Rusiyä belän Ukraina arasında xärbilär belän almaşunıñ iñ zurısınıñ çınğa aşuın, näticädä Azovstal’ êşxanäsendäge ğaskärlär belän ber rättän barlığı 144 ukrainalı ğaskärne kire aluların açıqlağan ide.



Bäyläneşle xäbärlär