Makron: “Qara diñgezdä iminlek cähätennän Törkiyäneñ xosusıy role bar”

Franśiya İlbaşı Makron G7 Liderlar sammitınıñ soñğı könendä matbuğat oçraşuında çığış yasadı

1849737
Makron: “Qara diñgezdä iminlek cähätennän Törkiyäneñ xosusıy role bar”

Germaniyanıñ Bavyera bundeslandında Elmau sarayında oyıştırılğan G7 Liderlar sammitınıñ soñğı könendä matbuğat oçraşuında çığış yasawçı Franśiya İlbaşı Êmmanuêl’ Makron “Kovid-19” häm Rusiyä-Ukraina suğışınıñ illärneñ iq’tisadına yoğıntıları häm tudırğan borçılular belän bäyle bularaq xäzerge wazğıyättä yuğarı inflyaśiya kebek torış belän köräş öçen G7 illäre bularaq makro byudjet häm makro finans säyäsätlären koordinaśiyäläw zarurlığın belderde.

Makron Rusiyä gazına al’ternativlar mäs’äläsendäge alğarışlarnı däwam itterü belän ber rättän az uglerodlı ênergiya çığanaqlarınıñ häm êlektrnıñ êşläp çığarıluınıñ tizlätelüeneñ zarurlığına basım yasadı.

Azıq-tölek häm igençelekne yaxşırtu iniśiativasına tuqtalıp uzuçı Makron çığışında G7neñ Afrikada azıq-tölek citeşterüen arttıruğa qağılışlı êşçänlek alıp baraçağına işarät itte.

Ukrainadağı aşlıqnıñ çitkä çığarıluınıñ zarurlığın citkerüçe Makron aşlıqnıñ Odessa portınnan diñgez yulı belän çığarıluı öçen Berläşkän Millätlär Oyışması ğomum särkätibe Antonio Guterreşneñ aradaşçılıq başlatuın xäterlätte.

Monıñ iñ başta Rusiyä häm Ukraina arasında söyläşülärne zarur qıluın belderüçe Makron: "Fäqät, belüegezçä, Qara diñgezdä iminlek cähätennän xosusıy role bulğan Törkiyäne dä üz êçenä ala”, - dide.



Bäyläneşle xäbärlär