Kremençugta matäm iğlan itelde
Hawadan höcümdä ülüçelär sanı 18gä kütärelde
Ukrainanıñ Kremençug şähärendäge Amstor säwdä üzägenä kiçä rus berlekläre oyıştırğan raketa höcümendä ğomere özelüçelär öçen 3 könlek matäm iğlan itelde.
Poltava töbägeneñ xärbi citäkçelek başlığı Dmitriy Lunin Telegramda açıqlaw yasap, rus berlekläre tarafınnan Kremençug şähärendäge Amstor säwdä üzägenä oyıştırılğan hawadan höcümdä ülüçelär sanınıñ 18gä kütärelüen, 36 keşeneñ yuğaluın belderde.
Lunin êzläw-qotqaru êşçänlekläreneñ däwam itüen citkerde.
Kremençug gubernatorı Vitaliy Maleskiy da şähärdä 3 könlek matämneñ iğlan itelüen açıqladı.
Ukrainanıñ êçke êşlär ministrı Denis Monastırskiy matbuğat oçraşuında Kremençug şähärendäge säwdä üzägenä höcüm oyıştırğan rus pilotlarınıñ isemnären bilgeläülären äytte.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı