Zelenskiy G-7 illäre liderlarınnan qoral soradı

Ul G-7 illäreneñ liderlar sammitında videokonferenśiya aşa qatnaştı

1848702
Zelenskiy G-7 illäre liderlarınnan qoral soradı

Ukraina däwlät başlığı Volodimir Zelenskiy Germaniyädä uzuçı G-7 illäreneñ liderlar sammitında videokonferenśiya aşa qatnaştı.

Ul üz çığışında Amerika Quşma Ştatları, Angliya, Kanada, Fransiya ,Germaniya, İtaliya häm Yaponiya liderlarınnan üz ilen kübräk qoral, şul isäptän hawa saqlanu sistemaları belän täêmin itüne soradı.

Zelenskiy G-7 illäre liderların Rusiyägä qarata tağın da kübräk sankśiyälär kertergä, Kiyevneñ aşlıq produkatların êksportlawına bulışırğa, Ukrainanı tözekländerü öçen finans yärdäme kürsätergä çaqırdı.

Ukrainadağı suğış häm anıñ azıq-tölek, ênergiya qurqınıçsızlığı, dön’ya iq’tisadına yoğıntısı G-7 liderları sammitınıñ ikençe könendäge iñ möhim temalar arasında.



Bäyläneşle xäbärlär