Klubta 17 mäyet tabıldı

Kön’yaq Afrika Cömhüriyäteneñ Könçığış Keyp vilayätendä ber tönge klubta älegä bilgesez säbäptän 22 keşeneñ ğomere özelde.

Poliŝiyadan yasalğan açıqlawğa kürä Eastern London şähärendäge Enyobeni isemle tönle klubta 17 mäyet tabıldı, şaqtıy keşe xastaxanägä salındı.

Açıqlawdan kürengänçä xastaxanägä salınğan 5 keşe ülde.

13-17 yäş’lärdäge qorbannarnıñ ülem säbäben tikşerü öçen yuğarı däräcäle sud-mediŝina törkemenä wazifa birelde.

Räsmi zatlar qorbannarnıñ gazdan ağulanuın uylıy.

Däwlät başlığı Siril Ramafosa Tvitterda açıqlaw yasap: “Eastern Londondağı küñel açu urınında ğomere özelgän 22 yäş’ keşeneñ ğailäläreneñ qayğısın urtaqlaşam,” – dide.