Bügen Awrupa Berlege tışqı êşlär ministrları cıyıla

Anda azıq-tölek häm ênergetika krizislarınnan çığu yulları qaralaçaq

1845351
Bügen Awrupa Berlege tışqı êşlär ministrları cıyıla

Bügen Awrupa Berlege tışqı êşlär ministrları Bel’giyä başqalası Brüssel’dä Ukrainadağı suğış, azıq-tölek häm ênergetika qurqınıçsızlığı turında söyläşü öçen cıyıla.

Bilgele bulğança, 23nçe-24nçe iyün’dä Awrupa Berlege liderlar sammitı uzaçaq. Bügenge utırış anıñ aldınnan qayber problemalarnı qarap çığu öçen oyıştırıla.

Ber wäqalätle zat beldergänçä, cıyılışta Ukraina portlarında qalğan millionlağan tonna bodaynıñ êksport yulları turında fiker alışaçaqlar. Krizistan zarar küräçäk xalıqnıñ küplegen küz uñında totıp ministrlar xätta Belarus’ arqılı çığaru mömkinlegen dä qarıy. Şulay da, iñ yaxşı yul - aşlıqnı Qara diñgez aşa taşu.

Wäqalätle zat äytkänçä, ênergetika qurqınıçsızlığı nisbätennän Farsı qultığı däwlätläre belän xäzerge uñay mönäsäbätlär qaralaçaq. Ul Äwrupa Berlegeneñ älege region belän qara-qarşı bäylelekkä nigezlängän bağ’lanışlar tözüen belderä. İrannıñ poziśiyäse häm atom-töş kileşüeneñ yazmışı da bu maqsatqa yoğıntı yasayaçaq.

Ministrlarnıñ soñğı sammitta qabul itelgän 6nçı sankśiyälär paketına qağılışlı fiker alışuı da kötelä.



Bäyläneşle xäbärlär