"230 mäyet sanadım"
Êfiopiyädä qurqınıç êtnik bäreleş buldı
Êfiopiyädä kübese Amxara êtnik törkemenä qarawçı 200dän artıq keşe üterelde. İlneñ üzäk-kön’yäq regionındağı Oromiyada 18nçe iyün’ şimbä könne qorallı höcüm oyıştırıldı.
Älege cirlektä yäşäwçe Abdulsäyet Tahir qanqoyıştan isän-saw qotılğan siräk keşelärneñ berse. “230 mäyet sanadım häm monıñ tınıç xalıqqa qarata iñ ütergeç höcüm buluın uylım,” di ul. Tahir üzeneñ dä ülemnän soñğı mizgeldä genä qotılıp qaluın äytä. Ul yaña höcümnär bulaçağınnan qurqa.
Qanqoyışnı fetnäçe törkem “Oromo bäysezlek armiyäse” oyıştıruın alğa sörälär. Oyışma wäkile Odaa Tarbii isä ğayepläwlärne kire qaqtı.
Êfiopiyä keşe xoquqları komissiyäse xökümätne bu tördäge höcümnärne çikläw öçen çara tabarğa çaqırdı. 110 millionnan artıq keşe yäşi torğan ildä êtnik törkemnär arasında bik yış bäreleşlär bula.
