İspaniyädä urmannar yana

İspaniyada 43 gradustan da artıp kitkän êsse hawa täêsirendä ilneñ, bigräk tä, tön’yaq töbäklärendä soñğı 3 köndä 30dan artıq urında urman yanğınnarı çıqtı. Zamora şähäre, Kataloniya, Aragon, Navarra häm Êstremaduro töbäklärendä xäl qatlawlı.

Grajdanlı saqlaw oyışmaları häm avtonom idarälärdän belderülärençä, meñnärçä keşe öylären taşlap kitärgä mäcbür.

Zamoradağı S’yerra-de-la-Kulebra tawlı mäydanda älegä qadär 20 meñ gektar cir yanğan. İminlek maqsatınnan yänäşädä urnaşqan 14 awıldağı xalıqnı küçergännär.

Cirlektäge yanğın süznderü êşçänleklärenä yaqınça 1 meñ ğaskäri dä yärdäm itä.

İñ küp yanğın ilneñ könçığışındağı Kataloniya töbägendä. Anda ber keşene 5 cirdä ut qabuğa säbäpçe buluda şöbhälänep qulğa alalar.

Kataloniyädä älegä kontrol’gä alına almawçı yanğınnar 90nan artıq toraq punktqa yanıy.