Könbatış Awrupa illärendä êsse hawa torışı küzätelä

Küp şähärlärdä xalıqnı êsselek xaqında kisättelär

1845177
Könbatış Awrupa illärendä êsse hawa torışı küzätelä

Cäyneñ berençe êsse hawa ağımı Könbatış Awrupa illärenä tiskäre yoğıntı yasıy.

Könbatış Awrupanıñ küp şähärlärendä xalıqnı êsselek xaqında kisättelär.

Soñğı 20 yılnıñ iñ êsse iyüne küzätelgän İspaniyädä başqala Madridta hawa temperaturası 41 gradusqa, ilneñ qayber cirlärendä 44 gradusqa citte.

Êsse hawa torışı arqasında atna başınnan birle 16 töbäktä urman yanğınnarı başlandı häm qayber sport çaraları kiçekterelde.

Fransiyädä hawa temperaturası 41 gradusqa kütärelde.

40 şähärdä urman yanğınnarı turında kisätü yasaldı, awıl xucalığı êşçänlegendä su qullanuğa törle çikläwlär kertelde.

Qorılıq arasında İtaliyäneñ tön’yaq töbäklärendäge 170 toraq punktqa sunı êçü häm aşarğa äzerläw kebek töp maqsatlarda ğına qullanırğa quşıldı.  

Germaniya, Bel’giya,Angliya häm Niderlandta da êsse hawa torışı küzätelä.

 Däwlät oyışmaları häm belgeçlär sälamätlek problemaları bulmasın öçen xalıqnı daimi räweştä kisätä.



Bäyläneşle xäbärlär