Burkina-Fasodağı terrorçı höcümendä 86 keşe ülde
Ütkän şimbädän comğağa qarşı töndä bulğan qanlı waqıyğada ülgän keşelärneñ yaña mäyetläre tabıldı
1844188
Burkina-Fasonıñ Saxel’ töbägendä oyıştırılğan qorallı höcümdä ülgän grajdanlılarnıñ sanı 86ğa citte.
Xökümättän belderülärençä, şimbädän comğağa qarşı töndä Seytenga rayonında şäxesläre açıqlanmağan keşelär kiterep çığarğan qanqoyışta ülgän tağın 7 watandaşnıñ gäwdäse tabılğan.
9nçı iyün’dä bulğan waqıyğada 11 jandarmeriyä xezmätkäre dä hälaq bula.
Kürşe däwlät Malidağı Äl-Kaida häm DEAŞ belän bäyläneştä toruçı terrorçı törkemnär 2015nçe yıldan birle Burkina-Fasonıñ tön’yağında häm könçığışında bik yış höcümnär oyıştıra. Anda, xökümättän alınğan mäğ’lümatlarğa qarağanda, 2015nçe yıldan birle 2 meñ keşeneñ ğomere özelgän. Şularnıñ 600e iminlek köçläre.
