AQŞ yärdämennän özmi

Amerika Quşma Ştatları dӓwlӓt başlığı Djo Bayden Rusiyӓ suğış başlatqan Ukrainağa ber milliard dollarlık yaña yӓrdӓm kürsӓtӓçӓklӓren citkerde.

Djo Bayden yazma açıqlaw yasap, Ukraina liderı Vladimir Zelenskiy belӓn telefonnan söylӓşüen hӓm Rusiyӓ belӓn dӓwam itüçe suğışnı qarawların belderde.

Söylӓşüdӓ AQŞnıñ Ukrainağa yӓrdӓmnӓreneñ dӓwam itӓçӓgen ӓytüen açıqlağan Bayden: “Zelenskiyğa 1 milliard dollarlık yaña yӓrdӓm turında citkerdem. Bu yӓrdӓmnӓr arasında awır qorallar, yar buyı saqlanu qoralları belӓn ber rӓttӓn Ukrainanıñ Donbasstağı saqlanu operaśiyalӓre öçen kirӓk bulğan qamillӓşterelgӓn raketa sistemaları urın alaçaq,” – dide.

“Ayıruça Ukraina xalqı öçen 225 million dollarlık östӓmӓ gumanitar yӓrdӓmne dӓ açıqlıym. Monıñ êçendӓ çista su, mediśina ixtıyacları, sӓlamӓtlek öçen kirӓk-yaraqlar, azıq-tölek hӓm töp ixtıyaclar öçen saf aqça bulaçaq,” – dide AQŞ liderı.