Awrupa Berlege maymıl çäçägenä qarşı vakśina qadıy başlıy
Berläşmä 110 meñ doza preparat satıp alu turında kileşü imzalıy
1843053
Awrupa Berlege 110 meñ doza maymıl çäçäge vakśinası satıp alıp üzenä kerüçe däwlätlärgä tarataçaq. Bu xaqta Awrupa Berlege komissiyäseneñ sälamätlek öçen cawaplı äğ’zası Stella Kiriyakides belderü yasadı. Ul vakśina satıp alu turındağı kileşüne bügen imzalayacağın da citkerde. Preparatlarnı iyün’ ayı axırında tarata başlayaçaqlar.
Kiriyakides xäzergä qadär Awrupa Berlege illärendä 900 tiräse maymıl çäçäge oçrağı terkälüen, dön’ya külämendä isä bu sannıñ 1400 buluın söyläde.
Lyuksemburgta uzuçı Awrupa Berlege sälamätlek saqlaw ministrları cıyılışında koronavirus kizüe belän bäyle wäzğıyät’ tä qaralaçaq.
