AQŞta xätär hawa torışı

45 gradusqa citüçe êsseleklär yaqınça 100 million keşegä naçar täêsir itä

1842644
AQŞta xätär hawa torışı

Amerika Quşma Ştatlarında yaqınça 100 million keşene çiktän tış êsselekkä qarşı çaralar kürü turında kisättelär.

İlneñ meteorologiyä xezmäte yuğarı temperaturanıñ üzäk töbäklärdä 100dän artıq şähärdä çärşämbegä qadär rekord däräcädä bulaçağın farazlıy. Bu isä anda yäşäwçe yaqınça 100 million keşegä täêsir itäçäk.

AQŞ matbuğatında 45 gradusqa citüçe êsseleklärneñ xätär buluın belderälär. Bigräk tä ölkännärneñ üz-üzlären saqlawları sorala.

Zur tizlek belän artuçı cılılıq atnanıñ berençe könnärendä ilneñ üzäk töbäklärendä köçle dawılğa säbäpçe buldı. Xätta Çikago, Detroyt, Klivlend häm Pittsburgta anıñ cimergeç ğarasatqa äwerelü mömkinlegenä basım yasaldı.

Könçığışqa taba yünälgän êsse hawa dulqınınıñ kiläse atna buyı täêsiren däwam itüe kötelä. Belgeçlär temperaturanıñ keşe êşçänlege arqasında kilep çıqqan klimat üzgäreşe säbäple ğadättägedän yuğarıraq bulacağı häm ozağraq däwam itäçäge turında kisätä.



Bäyläneşle xäbärlär