Yuqqa çıqqan bäbäy 41 yıldan soñ tabıldı
Anıñ änise belän ätise 1981nçe yılda üterelä, qızçıq isä êzsez yuğala
AQŞnıñ Texas ştatında ğailäse üterelgännän soñ yuqqa çıqqan bäbäy 41 yıl uzğaç päyda buldı.
İrle-xatınlı Klouzlar 1981nçe yılnıñ ğıynvar ayında X’yuston şähärendä ağaçlıqta üle kileş tabıla. Xolli Mêri isemle bäbäyläre isä bernindi êzsez yuqqa çığa.
Yuğalğan häm êkspluataśiyälänüçe balalar milli üzäge tikşerü êşe aça. Yıllar buyı ğailäneñ bäyläneşlären barlıylar. Genetik analizlar uzdırıla.
Kriminal’ mediśina belgeçläre bäbäyneñ bügen 42 yäşendä niçek kürenä aluı turında tikşerenü ütkärdä. Näticädä kilep çıqqan räsemne här cirdä taratalar.
42 yäş’lek Xolli Mêri Klouznı Oklaxomada tabıp aldılar. Ul kiyäwdä, 5 balası häm 2 onığı bar.
Klouz ğailäseneñ ni öçen häm kem tarafınnan üterelüe isä älegä açıqlanmadı.
Bäyläneşle xäbärlär
Netan’yaxunı öye aldında protest itkännär
Protestçılar Netan’yaxu xökümätenä äsirlärneñ kire kiterelüe taläben qabatladı