"Rubl’ belän tüläw sistemasın kire qaqqan illärgä gaz qudırunı tuqtattıq"

Bu xaqta Kreml’ süzçese Dmitriy Peskov citkerde

1840730
"Rubl’ belän tüläw sistemasın kire qaqqan illärgä gaz qudırunı tuqtattıq"

Kreml’ süzçese Dmitriy Peskov Rusiyä gazı öçen rubl’ belän tüläw sistemasın kire qaqqan illärgä gaz qudırunı tuqtatuların açıqladı.

Peskov başqala Mäskäwdä açıqlaw yasap, rus gazın rubl’ belän satu sistemasına küçülären xäterlätte.

“Tabiğıy gaznı bu sistemanı kire qağuçılar öçen qudırmıy başladıq. Sistema buldırıldı häm êşli. Gaz aluçılar Rusiyä ilbaşınıñ bäyläneşle qararnamäsendä bilgelängän yaña sistemağa kürä êşlilär,” – dide süzçe.

Gazprom monnan alda rubl’ belän satıp almawları nigeznamäse belän Pol’şa, Bolgariya, Finlyandiya, Niderland häm Awrupalı qayber şirkätlärgä tabiğıy gaz qudırunı tuqtatqan ide.

Putin tabiğıy gaznı rubl’ belän satu planın 23nçe martta açıqlağan ide.



Bäyläneşle xäbärlär