Boris Djonsonğa ışanıç belderdelär

Angliyä xökümäte räise öçen üz partiyäse êçendä tawış birü uzdırıldı

1838713
Boris Djonsonğa ışanıç belderdelär

Angliyä xökümäte räise Boris Djonson üze citäklägän Konservativ partiyäneñ ışanıç votumı tawış birüendä ciñde. 211 deputat anıñ öçen tawışın birde, 148e qarşı ide.

Djonsonnıñ liderlıq poziśiyäse belän bäyle ışanıçsızlıq xatlarınıñ sanı 54ne uza. Şunnan soñ partiyä êçendä tawış birü uzdırırğa qarar qılına.

Xökümät räise, partiyäsennän ışanıç votumı alğannan soñ, kiläse 12 ay buyınça tınıç bula ala. Ul waqıt êçendä aña qabat oxşaş däğ’wälär belderelmäyäçäk.

Boris Djonson xökümät yortında Kovid-19 kizüe waqıtında karantin qağıydälären bozuçı kiçälär ütkärüe säbäple tänqıyt’ häm wazıyfadan kitü basımı astında qaldı. Anı xätta ştrafqa da tarttılar. Djonsonnı üzeneñ partiyäsendäge qayber deputatlar häm oppoziśiyädägelär parlamentqa yalğan söyläwdä ğayepläde.



Bäyläneşle xäbärlär