"Könbatış illäre tormışqa aşırğan iq’tisadi säyäsät dön’ya iq’tisadına zıyan kiterde"
Rusiya Federaśiyäse däwlät başlığı Vladimir Putin bu xaqta Sankt-Peterburg İq’tisadi forumı uñayınnan yazğan mäqaläsendä citkerde
Rusiya Federaśiyäse däwlät başlığı Vladimir Putinnıñ 15 nçe iyün’dä başlanaçaq Sankt-Peterburg İq’tisadi forumı uñayınnan yazğan mäqaläse Kreml’ saytında dön’ya kürde.
Putin forumnıñ bıyıl 25 nçe tapqır ütkäreläçägen iskä töşerep, anıñ böten xalıqara cämäğät’çelek öçen awır waqıtta bulaçağın äytte.
Rusiya ilbaşı Könbatış illäre tormışqa aşırğan iq’tisadi säyäsätneñ dön’ya iq’tisadına zıyan kiterüen assızıqladı.
“Könbatış illäreneñ iq’tisadta yasağan xataları häm sankśiyäläre global’ inflyaśiya dulqınına, täêmin itü häm citeşterü çeltärläreneñ cimerelüenä , yarlılıq häm azıq-tölek qıtlığınıñ kisken artuına kiterde” di Vladimir Putin.
Putin qıyınlıqlarnıñ yaña mömkinleklär tudıruın da äytep, ”Şuña kürä forumnıñ “Yaña dön’ya – yaña mömkinleklär” şiğare bik urınlı. 2020 nçe yıllar Rusiyäneñ iq’tisadi möstäqil’legen nığıtaçaq çor bulır dip ışanam” dide.
