Braziliyädäge tabiğıy afätlärdä ülüçelär sanı 91gä citte

Wäqalätlelär bu sannıñ 100dän arta aluın citkerä

1835462
Braziliyädäge tabiğıy afätlärdä ülüçelär sanı 91gä citte

Braziliyäneñ Pernambuku töbägeneñ törle rayonnarında atna başınnan birle baruçı köçle yañğırlar kiterep çığarğan su basu häm cir ubılularda ğomere özelüçelär sanı 91gä citte. Wäqalätlelär bu sannıñ 100dän arta aluın citkerä. Yuğaluı belderelgän 26 keşene êzläw-qotqaru êşläre däwam itä.

Braziliyä regional’ üseş ministrı Daniêl Ferreyra xökümätneñ ğadättän tış xäl iğ’lan itkän muniśipalitetlarğa aqça bülep birü öçen tırışuın belderde. Ul, monnan tış, afättän zarar kürgän şähärlär öçen yaña kredit limitı buldırıluın da äytte.

Braziliyä däwlät başlığı Jair Bolsonaru kiçä hälakättän iñ zur zarar kürgän töbäk Pernambukunıñ başqalası Resifi häm Jaboataw-dus-Guararapis şähärenä bardı. Ul cirlekne küzdän kiçergännän soñ belderülär yasadı. Bolsonaru cirneñ yüeş buluı säbäple boralaqnıñ töşep utıra almawın äytte.

“Qızğanıçqa, bu afätlär qıytğa zurlığındağı däwlättä bula. Çınlap ta bik qızğanıç. Ğailälärneñ qayğısın urtaqlaşam. İñ zur maqsatıbız ğailälärne borçuların azaytu häm matdi yaqtan öleş kertü,”-dip söyläde Jair Bolsonaru.



Bäyläneşle xäbärlär