Dön'yanıñ iñ qart ir-atına 113 yäş' tuldı
Xuan Visente Mora här irtäsen ber çınayaq käxwä belän başlıy
Dön’yadağı iñ qart ir-at isemen alıp Ginnesnıñ rekordlar kitabına kergän Xuan Visente Mora üzenä 113 yäş’ tuluın bäyräm itte.
Ul Venesuêlanıñ Taçira töbäge Êl’-Kobre şähärçegendä 10 balalı ğailäneñ 9nçı balası bularaq dön’yağa kilä. Mora här irtäsen ber çınayaq käxwä belän başlawın belderde.
Qartnıñ üz tirälärendägelärgä näsıyxäte mondıy: “Küp êşlä, yal it, irtä yoqlarğa yat, Allahnı yarat häm anı härwaqıt yörägeñdä yört”.
Perez Mora iñ qart ir-at isemen 1909nçı yılnıñ 11nçe fevralendä tuğan Saturnino de la Fuênte Garsiya ülgännän soñ ala.
Dön’yadağı iñ qart xatın-qız isä franśuz Lyusil’ Randon 118 yäşendä.
Bäyläneşle xäbärlär
Vaşington Qıtaynıñ Afrikadağı yoğıntısına kirtä quya almıy
AQŞ idaräse Afrikanı östenlek xälenä kiterä almağaç, Qıtay töbäktäge yoğıntısın arttırdı
