Rusiya - Ukraina suğışı: Rusiyäneñ yuğaltuları

Ukraina ğomum ştab räislege Rusiya armiyäseneñ yuğaltuları turında mäğ’lümat belän urtaqlaştı

1834049
Rusiya - Ukraina suğışı: Rusiyäneñ yuğaltuları

Ukraina ğomum ştab räislege Rusiya armiyäseneñ 24 nçe fevral’dän 28 nçe mayğa qadärge yuğaltuları turında belderü yasadı.

Älege belderüdӓ ӓytelgӓnçӓ, Rusiya armiyäse soňğı tӓwlektӓ tağın 250 ğaskӓriyen yuğalttı.

Şulay itep Rusiyӓneň barlığı 30 meñ  ğaskӓriye üterelde, 207 oçqıç, 174 boralaq, 1 meň 330 tank, 3 meñ 258 köbäle texnika, 628 artilleriya, 203 raketa atuçı sistema häm 93 hawa saqlanu sisteması yuq itelde.

Rusiya şulay uq 2 meñ 226 maşina, 13 korab häm ciñel köymä häm 503 keşesez hawa apparatın yuğalttı.

Rusiya oçırğan 116 qanatlı raketa da Ukraina hawa saqlanu berleklӓre tarafınnan bӓrep töşerelde.

Rusiya saqlanu ministrlığı 25 nçe marttağı belderüendä Ukrainada 1 meñ 351 Rusiya ğaskäriyeneñ ülüen citkergän ide.

 Ukraina baş prokuraturası xäbär itkänçä, Rusiyäneñ Ukrainağa höcümnärendä bügengä qadär 242 balanıñ ğomere özelgän, 440 bala cäräxätlängän.

 



Bäyläneşle xäbärlär