Yaponiya, Tailand, V’etnam, Singapur xezmättäşlege
Yapon xökümäte Tailand, V’etnam häm Singapur xökümät wäkilläre belän ike yaqlı häm regional’ mönäsäbätlärneñ üsterelüe mäs’äläsendä kileşte
Yaponiya Baş ministrı Kişida Fumio ilenä säfärgä kilgän Tailand Baş ministrı Prayut Çan-o-ça belän küreşte.
Kişida 24nçe fevral’dän birle Ukrainağa höcümnären däwam itterüçe Rusiyägä qarşı riza bulmawçılarnıñ tawışlarınıñ tağın da kübräk citkerelüe mäs’äläsendä xalıqara cämäğätçelekneñ ber fikerdä buluı zarurlığın äytte.
İke lider Ukrainada köç belän status-kvonı üzgärtü omtılışlarına berqayçan da yul quymaw mäs’äläsendä kileşte.
Söyläşü waqıtında Prayut suğışnıñ tiz arada beterelüe öçen diplomatik tırışularnıñ ähämiyätle buluına basım yasadı.
Kişida belän Singapur Baş ministrı Lee Hsien Loong söyläşüe waqıtında isä "İrekle häm açıq Hind-Tın okeanı" küzallaw (vizionı) häm kiñ qolaçlı xezmättäşlek forsatları quzğatıldı.
Baş ministr Lee söyläşü waqıtında Amerika Quşma Ştatlarınıñ atna êçendä Yaponiya başqalası Tokioda tanıtqan Hind-Tın okeanı iq’tisadi qısasın qanäğätlelek belän qarşılawların äytte.
Başqala Tokioğa kilgän V’etnam Baş ministr urınbasarı Pham Binh Minh belän isä Yaponiya tışqı êşlär ministrı Hayaşi Yoşimasa küreşep söyläşte.
"Cir bötenlegenä häm suverenlıqqa ixtiram” mäs’älälärenä tuqtalıp uzğan Hayaşi belän Pham Hind-Tın okeanı iminlegenä yanawlarğa qarşı ike yaqlı xezmättäşlekneñ arttırıluında kileşte.
