Twitter 150 million dollar ştraf tüläyäçäk

Sośial’ media platforması Twitter şäxsi mäğ’lümatlarnıñ konfidenśial’legen saqlıy almağan öçen 150 million dollar ştraf tüläyäçäk.

Amerika Quşma Ştatlarınıñ ğadälät ministrlığı häm federal’ säwdä komissiyäse beldergänçä, Twitter 2013 nçe yılnıñ may ayınnan 2019 nçı yılnıñ sentyabrenä qadär qullanuçılar mäğ’lümatlarınıñ konfidenśial’legen häm qurqınıçsızlığın täêmin itä almağan.

Platforma Twitter belän tözelgän kileşü nigezendä 150 million dollar ştraf tüläyäçäk häm qullanuçılar mäğ’lümatlarınıñ konfidenśial’legenä qağılışlı yaña çaralar küräçäk.

Twitter telefon nomerların häm êlektron poçta adresların qullanuçı akkauntların saqlaw öçen genä tügel, ä bu mäğ’lümatnı qullanuçılarğa reklama cibärü öçen dä qullanğan.