Suğışta 238 balanıñ ğomere özelgän

Rusiyäneñ Ukrainağa höcümnärendä 238 bala ğomeren yuğaltqan.

Bu xaqta Ukraina baş prokuraturası xäbär itä.

Prokuratura belderüendä äytelgänçä, Rusiyäneñ höcümnärendä bügengä qadär 238 balanıñ ğomere özelgän, 433  bala cäräxätlängän.

Belderüdä sannarnıñ soñğı mäğ’lümatlar tügellege äytelä, waqıtlıça basıp alınğan häm azat itelgän töbäklärdä açıqlaw-bilgeläw êşläreneñ däwam itüe citkerelä.

Ukrainanıñ küp şähärlären bombalaw näticäsendä xärbi punktlar belän berrättän şaqtıy däwlät binası da zıyan kürde,  bombalawlarda zıyan kürgän 848 belem birü yortınıñ 173e  tulısınça cimerelgän.